ਸ਼ਬਦ ਨੰ: 15
 ਇਸ ਜੱਗ ਨਾਲ ਕਰਕੇ ਪਿਆਰ

ਟੇਕ:- ਇਸ ਜੱਗ ਨਾਲ ਕਰਕੇ ਪਿਆਰ ਭੋਲਿਆ ਕੀ ਲੈਣਾ |

 ਇਸ ਜੱਗ ਨਾਲ ਕਰਕੇ ਪਿਆਰ

1. ਜਿਵੇਂ ਨਾਗਾਂ ਦੀ ਪਟਾਰੀ, ਜ਼ਹਿਰ ਗੰਦਲਾਂ ਦੀ ਕਿਆਰੀ,

 ਤੈਨੂੰ ਲੱਗਦੀ ਪਿਆਰੀ, ਕਿਸੇ ਕੰਮ ਦੀ ਨਹੀਂ,

 ਜੀ ਕਿਸੇ ਕੰਮ ਦੀ ਨਹੀਂ | ਕਰਕੇ ਵੇਖ ਵਿਚਾਰ, ਭੋਲਿਆ...

2. ਜਿਹੜੇ ਬਾਦਸ਼ਾਹ ਸੀ ਕੱਲ੍ਹ, ਬੈਠੇ ਕਬਰਾਂ ਨੂੰ ਮੱਲ, ਸੰੁਨੇ ਪਏ ਨੇ ਮਹੱਲ,

 ਕੋਈ ਦਿਸਦਾ ਨਹੀਂ, ਹਾਏ ਜੀ ਕੋਈ ਦਿਸਦਾ ਨਹੀਂ |

 ਕੂੜਾ ਇਹ ਸੰਸਾਰ, ਭੋਲਿਆ ਕੀ ਲੈਣਾ...

3. ਭਾਵੇਂ ਜੋੜੇਂ ਤੂੰ ਕਰੋੜ, ਸਭ ਜਾਣੇ ਇੱਥੇ ਛੋੜ, ਤੇਰੀ ਲੈਣ ਲੰਗੋਟੀ

 ਤੋੜ, ਹੱਥ ਆਵਣਾ ਨਹੀਂ, ਹਾਏ ਜੀ ਕੁਛ ਆਵਣਾ ਨਹੀਂ |

 ਭਾਵੇਂ ਲੱਗੇ ਹੋਣ ਅੰਬਾਰ, ਭੋਲਿਆ ਕੀ ਲੈਣਾ....

4. ਲੱਖ ਪੁੱਤਰ ਤੇ ਨਾਤੀ, ਰੋਟੀ ਸੂਰਜ ਦੀ ਖਾਤੀ, ਲੰਕਾ ਸੋਨੇ ਦੀ ਗਵਾਤੀ,

 ਕੁਝ ਬਚਿਆ ਨਹੀਂ, ਹਾਏ ਜੀ ਕੁਝ ਬਚਿਆ ਨਹੀਂ |

 ਟੁਰਿਆ ਪੱਲੇ ਝਾੜ, ਭੋਲਿਆ ਕੀ ਲੈਣਾ...

5. ਪਹਿਲਾਂ ਹੱਸ ਪ੍ਰੇਮ ਪਾਉਂਦੇ, ਕੋਈ ਵਿਰਲੇ ਨਿਭਾਉਂਦੇ,

 ਛੱਡ ਜਾਣ ਪਿੱਛੋਂ ਰੋਂਦੇ, ਫੇਰ ਪੁੱਛਦੇ ਨਹੀਂ, ਹਾਏ ਜੀ ਫੇਰ ਪੁੱਛਦੇ ਨਹੀਂ |

 ਮਤਲਬ ਦਾ ਸੰਸਾਰ, ਭੋਲਿਆ ਕੀ ਲੈਣਾ...

6. ਜਾਣੇ ਪ੍ਰੇਮ ਕੋਈ ਸੱਚਾ, ਕੀ ਨਿਭਾਏ ਇਹਨੂੰ ਕੱਚਾ, ਜੀਹਦੇ ਮਨ ਵਿਚ ਰੱਚਾ,

ਪਾਸਾ ਵੱਟਦਾ ਨਹੀਂ, ਹਾਏ ਜੀ ਪਾਸਾ ਵੱਟਦਾ ਨਹੀਂ |

 ਐਸਾ ਪ੍ਰੇਮ ਵਪਾਰ, ਭੋਲਿਆ ਕੀ ਲੈਣਾ....

7. ਬਿਨਾਂ ਸਤਿਗੁਰ ਪਿਆਰੇ, ਸਾਕ ਮਤਲਬਾਂ ਦੇ ਸਾਰੇ,

 "ਸ਼ਾਹ ਸਤਿਨਾਮ ਜੀ" ਪੁਕਾਰੇ, ਕੋਈ ਆਪਣਾ ਨਹੀਂ,

 ਜੀ ਕੋਈ ਅਪਣਾ ਨਹੀਂ | ਅੰਤ ਲੈਣੀ ਨਾ ਕਿਸੇ ਨੇ ਸਾਰ, ਭੋਲਿਆ...

 

ਇਸ ਜੱਗ ਨਾਲ ਕਰਕੇ ਪਿਆਰ ਭੋਲਿਆ ਕੀ ਲੈਣਾ |

ਇਸ ਜੱਗ ਨਾਲ ਕਰਕੇ ਪਿਆਰ